छक्का पन्जा ३ प्रति दर्शकमा उत्साह किन ?

सुत्र इन्टरटेन्मेन्ट – यो भन्नु मुर्खता हुनेछ कि, बर्षमा रिलिज भएका सबै सिनेमा चल्नुपर्छ । किनकी, नेपाली सिनेमाको बजार, दर्शकको संख्यालाई हेर्दा बर्षमा रिलिज हुने सबै सिनेमा चल्दैनन् । वितरक सुनिल मानन्धरले भनेजस्तै ९० प्रतिशत सिनेमा असफल, ५ प्रतिशत हिट मात्र हुन् । अरुले किन चलेन भनेर समिक्षा गर्दै अर्को सिनेमा बनाउँदा राम्रो होला ।

कैयौ निर्मातालाई सिनेमा चलेन भनेर पिरलो हँुदै गर्दा, छक्का पन्जा ३ का निर्मातालाई भने अर्कै पिरलो छ । उनीहरुलाई सिनेमाले लगानी उठाउला कि नउठाउला भन्दा पनि कति कमाउला र आफूले नै बनाएको अघिल्लो रेकर्ड तोड्न सकिएला कि नसकिएला भन्ने पिर छ ।

यो सिनेमा घटस्थापनाको दिनबाट रिलिज हुँदैछ । मल्टिप्लेक्समा बुकिङ खुलिसकेको छ । काठमाण्डौको क्यूएफएक्सले मात्र ५ वटा हलमा ३० शोज दिएको छ । यो अहिलेसम्मकै नेपाली फिल्मलाई दिइएको उच्च शोज हो । राजधानी बाहिर मात्र १ सय भन्दा बढी हलमा सिनेमा चल्ने निर्माता दिपकराज गिरीले बताएका छन् । राजधानीका सबै हलमा उच्च शोज पाउँदै सिनेमा चल्दैछ । यो सबै हेर्दा छक्का पन्जा ३ ले दशैं ल्यायो कि दशैंले छक्का पन्जा ३ ल्यायो भन्ने छुट्याउन मुश्किल छ ।

राजधानीको सिभिल मलको ७ शोज चाडै भरिने क्रममा छ । ललितपुरको लबिम मलमा पनि हाल उस्तै छ । ८ शो चाडै भरिदैछ । कुमारी हलको ५ शो पनि भोलीका लागि चाडै नै भरिने क्रममा छ । बीग मुभिजको १० शोज, क्यूजको ११ शोज, एफक्यूबको ११ शोज, वीएसआरको १२ शोज सबै आजै भरिए भने अचम्म नमान्दा हुन्छ ।आखिर, छक्का पन्जा ३ प्रति दर्शकको उत्साह किन होला ?

नेपालमा अहिले जुन सिनेमामा पनि कमेडी हुन्छ । तर, कमेडीको सुरुवात फिल्ममा दिपक र दीपाको टिमले गरेको हो । यही भएर दर्शक यो ब्यानरमा बढी विश्वास गर्छन् । साथै, अघिल्ला फिल्मको व्यापार र दर्शकको विश्वासले गर्दा पनि सिनेमाप्रति दर्शकको उत्साह छ । अरु सिनेमा के हुन्छ थाहा हुँदैन, छक्का पन्जा दिपक र दीपा अनी उनको टिमका लागि पैसा छाप्ने मेसिन नै बनेको छ ।

यसपटक दिपक र दीपाले कन्टेन्टमा पनि ध्यान दिएको बताएका छन् । विद्यालयको कथालाई दर्शकले मन पराएपनि तिहारसम्म यो सिनेमाले अरुलाई आउन दिदैन भन्दा पनि हुन्छ । छक्का पन्जा ३ को आक्रामक बुकिङ, दर्शक र हलको विश्वासले फेरि नेपाली फिल्ममा साच्चिकै दशै आएको महशुश हुँदैछ ।

Adevertisement

भिडियो पनि हेर्नुस

Prasad हेरेपछि Dhurmus र Namrata को जोडी बाधिने? Bipin Karki भनेपछि भुतुक्कै Suntali | Prasad Review
Prev 1 of 100 Next
Prev 1 of 100 Next

Loading…

Watch Dailymotion Video

Be the first to comment

Leave a Reply

Your email address will not be published.