कलाकारको पारिश्रमिक वृद्धि, हचुवाको डिमाण्ड कि स्टारडम ?

सुत्र इन्टरटेन्मेन्ट – नेपाली फिल्मका कलाकारको लाइफ स्टाइल हेर्दा अहिले त जो कोहीलाई पनि कलाकार बन्छु भन्ने सोच आउला । किनकी, कुनै कलाकार छैनन् जसको पारिश्रमिक सस्तो होस् । अब त ५० लाखसम्म पनि लिएको कुरा ।

संचारमाध्यममा खबर हेर्ने हो भने दैनिक कलाकारको पारिश्रमिक मात्र बढेको खबर आउँछ । अहिले अभिनेता पल शाहको पारिश्रमिकको कुरा जोडतोडका साथ चलेको छ । सुरज सुब्बाको फिल्म खेल्न पलले २० लाख लिएका छन् । पलले २० लाख पारिश्रमिक लिएपछि यो सिनेमा सिंगै बोक्ने क्षमता राख्न पर्छ । सिनेमाको व्यापार हेर्दा पल आफ्नै स्टारडमले चलेका छैनन् । तर, उनलाई २० लाख नदिएसम्म निर्मातालाई धरै भएन ।

अभिनेता आर्यन सिग्देल हिट हुँदा ८ लाखसम्म लिन्थे । अहिले त उनी फ्लप छन् । उनी आफैले बनाएको सिनेमा कायरा पनि चलेन । आर्यनको जमाना सकिदैछ । तर, उनलाई विकासराज आचार्यले १२ लाख दिएर सिनेमा खेलाउँदैछन् ।
आर्यनले १२ लाखको ३ गुणामात्र रिटर्न गरेर हुँदैन, निर्मातालाई मुनाफा दिलाउने क्षमता पनि राख्नपर्छ ।

नेपाली सिनेमामा अहिले कलाकारको पारिश्रमिक बढेको बढै छ । तर, सिनेमाका लागि कलाकारले गम्भिर भएर मिहिनेत गरेको कही कतै सुदिनैन । कलाकारले एउटा सिनेमाकै लागि आफूलाई बदले भन्ने त झनै सुनिदैन । कपाल पाल्नु, शरीर बनाउनु मात्र गेटअप परिवर्तन हो भन्ने वुझ्छन् कलाकार ।

आज लिएको पारिश्रमिक भोली अझै कम भयो भने त्यसले कलाकारलाई भलो गर्दैन । आज त्यती मात्र पारिश्रमिक लिन आवश्यक छ, जति भोली लिदा पनि सुहाओस् । तर, चलेको बेला दिइहाल्छन् भनेर आँखा चिम्लिएर पारिश्रमिक डिमाण्ड गर्ने क्रम बढेको हो । २० देखि ५० लाखसम्मको डिमाण्ड यही हचुवाको भरमा आएको हो भन्न सकिन्छ ।

नेपाली फिल्मको बजार सानो छ । बजार बढ्न अझै समय लाग्छ । बर्षमा चल्ने सय फिल्ममा ५ वटा सिनेमाका निर्माता मख्ख पर्छन्, अरुको ढाड सेकिन्छ । तर, फरक कसैलाई परेको छैन । सिनेमाको बजार वृद्धिमा कसैले ध्यान दिएको छैन । कलाकार त पारिश्रमिकको रटानमै रुमलिएका छन् । दर्शक उनीहरुको पारिश्रमिकले होइन, कामले फिल्म हेर्न आउने हुन् । तर, काम फरक गरौ भन्ने कसैलाई पनि छैन ।

गाउँघरतिर हचुवाको भरमा बढेको जंगाको भाउ जस्तै अहिले कलाकारको भाउ पनि हचुवामै बढेको छ । यसैले निर्माताले सजिलै कलाकारलाई लिएर सिनेमा बनाउँन सक्ने अवस्था छैन । तर, कलाकार भने स्टारडमको घमण्डमा रुमल्लिएर हचुवाको पारिश्रमिक मागिदिएका छन् । पाए ठिकै छ, नपाए पनि ठिकै छ भन्ने टाइपको ।

यो पनि पढ्नुहोस्ः 

आर्यनलाई विकासले च्यापे, दिनेशले छाडे

Adevertisement

भिडियो पनि हेर्नुस

Prasad हेरेपछि Dhurmus र Namrata को जोडी बाधिने? Bipin Karki भनेपछि भुतुक्कै Suntali | Prasad Review
Prev 1 of 100 Next
Prev 1 of 100 Next

Loading…

Watch Dailymotion Video

Be the first to comment

Leave a Reply

Your email address will not be published.