ट्यालेन्ट शोमा मिस एभिएसन क्विनका प्रतिस्पर्धिहरु

भैरहवा– एयर होस्टेसको प्रशिक्षण लिइरहेका तथा प्रशिक्षण लिइसकेका २० जना सुन्दरीहरुले भैरहवा पुगेर आफ्नो प्रतिभा प्रस्तुत गरेका छन् । मिस एभिएसन क्विन–२०१८ का प्रतिस्पर्धिहरुले भैरहवास्थित टाइर प्यालेस रिसोर्टमा आयोजित ट्यालेन्ट शोको क्रममा आ–आफ्नो प्रतिभा प्रस्तुत गरेका हुन् ।

ट्यालेन्ट शोको क्रममा अधिकांश सहभागिले नृत्य, गायनसहितका प्रतिभा प्रस्तुत गरेका हुन् । नेपाली चलचित्रका गीतहरुमा नृत्य गर्नुका साथै केहीले गायन तथा वक्तित्व कलासहितका प्रतिभा प्रस्तुत गरेका थिए । प्रतियोगिहरुमध्ये एञ्जिला शेर्पा, कृति खत्री, रीया भारती, एलिशा चौलागाईं, सची पौडेल, सुमी पोर्टेल, छुनु सेन्चुरी, दिपिका पाठक, श्रेया सिंह ठकुरी तथा नेहा चौधरीले आकर्षक नृत्य प्रस्तुत गरे । अनिशा न्यौपाने, बबिना अर्जेल, पुनम लिम्बु तथा आ“चल खड्काले गायन कला प्रस्तुत गरे । त्यसैगरी दिक्षा चौधरी तथा कविता घलेले वक्तित्व कला प्रस्तुत गरे भने एन्जिमा शेर्पा तथा लक्ष्मी तामाङले गजल प्रस्तुत गरे । एक मात्र प्रतियोगि रीजा उदयले भने मेकअपमार्फत आफ्नो कला प्रस्तुत गरेकी थिइन् ।

बुटबल नगरपालिकाका मेयर शिवराज सुवेदीको प्रमुख आतिथ्यमा सम्पन्न ट्यालेन्ट शोमा अभिनेताद्वय रोहित रुम्बा तथा गोपाल ढकाल छन्देसहित ब्रेट मोडल, वसन्त श्रेष्ठ, विष्णु ढकाल तथा विष्णु थापा निर्णायकको रुपमा रहेका थिए ।

ट्यालेन्ट शोमा सहभागि प्रतियोगिहरु ग्ल्यामर फोटोग्रँफर नविन के श्रेष्ठसंगको फोटोसेसनमा पनि सहभागि भए ।
यो प्रतियोगिताटच ईन्टरटेन्मेन्ट तथा स्पर्श फिल्मसले साहारा ईन्टरनेशनल एयरहोस्टेस एकेडेमीसंगको सहकार्यमा आयोजना गर्न लागेको हो ।

प्रतियोगिताको ग्राण्ड फिनाले यही कात्तिक १७ गते शनिवार थापाथली, काठमाडौंस्थित मुड्स लाउञ्जमा सम्पन्न हु“दैछ । प्रतियोगिताका विजेताले आन्तरिक उडानतर्फको एयरलाइन्समा काम गर्ने मौका पाउनुका साथै अन्य विभिन्न उपहारहरु प्राप्त गर्नेछन् । अभिनेता एसराज गराचले यो प्रतियोगितामा कोरियोग्रँफी गरिरहेका छन् ।

Adevertisement

भिडियो पनि हेर्नुस

हरिवंशको जन्मदिन आशु संगै हासोको बर्सात, धुर्मुस देखि हरिवंशसम्मलाई रुवाए मदनकृष्ण श्रेष्ठले
Prev 1 of 96 Next
Prev 1 of 96 Next

Loading…

Watch Dailymotion Video

Be the first to comment

Leave a Reply

Your email address will not be published.