नयाँ प्रेमिकासँग डेटमा रमाउँदै सलमानका भाई

बलिउड सुपरस्टार सलमान खानका भाई अरवाज खान आफ्नो फिल्मी करिअर र वैवाहिक सम्वन्ध दुवैमा असफल रहयो । दुई वर्षअघि उनको मलाइका अरोडासँग डिभोर्स भएको थियो ।

अहिले अरवाज नयाँ युवतीसँग डेट गरिरहेक छन । उनकी नयाँ गर्लफ्रेन्ड हुन् जर्जिया एडि्रयानी । उनीहरुलाई बारम्बार सँगै देख्न थालिएका छन । अरवाजको पारिवारिक जमघटमा पनि जर्जिया सहभागी हुन थालएकी छन ।

केही समय अगाडि अरवाजकी बहिनी अर्पिताको जन्मदिन मनाउन जर्जिया अरवाजसँगै हैदरावाद देखिएकी थिइन् । अहिले अरवाजका परिवारले पनि जर्जियालाई परिवारको सदस्यको रुपमा व्यवहार गर्न थालेका छन् । अरबाज र जर्जियाले चाँडै आफूहरुको सम्वन्धको औपचारिक घोषणा गर्नसक्ने बताईेको छ ।

जर्जियालाई बुहारी बनाउन सलमान खान पनि तयार भइसकेका छन् । रोचक कुरा के छ भने मलाइकाकी बहिनी अमृता अरोडाको पनि जर्जियासँग राम्रो सम्वन्ध छ । हालै अरवाज र जर्जियासँग उनी डिनरमा सहभागी भएको तस्वीर सार्वजनिक भएको थियो । दिदीसँग डिभोर्स गरेका भिनाजुप्रति उनको कुनै पूर्वाग्रह नरहेको देखिन्छ ।

यसैगरी अरवाज र मलाइकाका छोरा अरहान पनि यो सम्वन्धमा सकारात्मक छन् ।उनी आफ्ना बाबुले चाँडै अर्को बिहे गरुन् भन्ने चाहेको कुरा मिडियाहरुले उल्लेख गरेका छन् ।

अरवाज र मलाइकाको सन् २०१६ मा डिभोर्स भएको थियो । अरवाजको करिअरलाई लिएर मलाइका सन्तुष्ट थिइनन् । अरवाजसँग दाम्पत्य सम्वन्धमा रहेकै बेला उनी अर्जुन कपुरसँग डेट गरिरहेकी थिइन् ।

भिडियो पनि हेर्नुस

Loading…

Watch Dailymotion Video