इनिसियल कमाइपछि किन थच्चिन्छन् फिल्म ?

सुत्र इन्टरटेन्मेन्ट –  राजधानीको गोपिकृष्ण हल र अष्टनारायण हलमा शनिबार पुग्ने हो भने दर्शकको भेल देखिन्छ । ती दर्शक एउटै सिनेमालाई आएका हुन् भन्ने पनि छैन ।
तर, तीनै दर्शकसँग तस्बिर खिचाएर चलेकादेखि नाम नसुनेका कलाकारको स्टारडमको नतिजा सार्वजनिक हुने गरेको छ ।

शनिबार बिदाको दिनमा उर्लिएको यी दुई हलको भेलले सिंगै देशलाई बगाएको छ । दुई हलमा देखिएको भीडकै आधारमा देशभर सिनेमाको व्यापारको नतिजा सार्वजनिक गरिन्छ । गोपिमा भिड लागे सिनेमाको कमाई देशैभरी बम्पर, नत्र सुनसान ।
शनिबारको भीड देखाएर आत्मरतीमा रमाएका नेपाली फिल्मका मेकर आइतबारबाट हलमा चरा मुसा नआउँदा दिक्क त मान्छन् तर असफल भएको स्विकार गर्न तयार हुँदैनन्।

आखिर, इनिसियल रुपमा दर्शकको भीड बटुल्न सफल फिल्म आइतबारदेखि किन सुस्ताउछन् होला ?
नेपालमा वर्ड अफ माउथले लामो समयसम्म सिनेमा चलेको खासै रेकर्ड छैन । यो बर्ष त नाई नभन्नु ल ५ ले चौथो हप्तासम्म आफूलाई जसोतसो टिकायो । यी बाहेक अन्य सिनेमाको अवस्था दयनिय छ ।

वैशाखदेखि साउनको अन्तिमसम्म रिलिज भएका सिनेमाले त एक साता पनि घिटिघिटी भएर व्यापार गरे । भदौमा रिलिज भएको रामकहानी सिनेमा केही शो लिएर मल्टिप्लेक्समा अघि बढिरहेको छ ।
असोज ५ गते रिलिज भएको सिनेमा इन्टु मिन्टु लण्डनमाको व्यापार शनिबार आक्रामक नै भयो । आइतबार यसलाई पनि हलमा दर्शक होल्ड गर्न मुश्किल भैरहेको छ ।

नेपाली सिनेमा शुक्रबार र शनिबार प्रचार, स्टार कलाकार आदिका कारणले चलेका छन् । तर, सिनेमाको कथावस्तुले दर्शकलाई वाध्न नसक्दा आइतबारदेखि सुकेका छन् ।
आइतबारदेखि पिकअप लिने सिनेमा बनाउन निर्माताले दिमाग लगाएका छैनन् । बरु, शनिबार एक दिनको व्यापारमै मख्ख परेर हल चहारेका छन् ।

फिल्म पशुपति प्रसाद, लुट, चपली हाइट, कबड्डी लगायतका फिल्म आइतबारदेखि चम्किएका थिए । यस्ता सिनेमा बनाउनतर्फ लाग्ने कि, शनिबारमात्र दर्शकको चाप बढाउने सिनेमा बनाउनतिर लाग्ने ?

यो पनि पढ्नुहोस्ः

कलरफूल रेड कार्पेटमा हिरोइन र निर्देशकको चिसिएको मन ( रेड कार्पेट रिभिउ )

भिडियो पनि हेर्नुस

Loading…

Watch Dailymotion Video

Be the first to comment

Leave a Reply

Your email address will not be published.