मिडियाको साथ मात्र खोज्ने कि आफूलाई पनि ब्रान्डिङ गर्ने ?

सुत्र इन्टरटेन्मेन्ट- मिस वल्र्डमा सहभागी हुनका लागि चीनमा रहँदा मिस नेपाल वल्र्ड श्रृङ्खला खतिवडालाई कञ्चनपुरमा बलात्कारपछि हत्या गरिएकी १३ बर्षिया बालिका निर्मला पन्तसँग तुलना गरेर हेरिएको थियो । मिस वल्र्ड नेपालले संभवत पहिलो पटक मिस वल्र्डमा भाग लिदा यो खालको उचाई पाएको थियो । यसको पछि श्रृङ्खलाको प्रतिभा पनि एक ठाउँमा होला, अर्कोतिर आम जनताले उनलाई गरेको समर्थन पनि हो । कुनै न कुनै रुपमा उनी नेकपाकी नेताकी छोरी हुनुको फाइदा पनि यसमा मिसिएको थियो ।

मिस वल्र्डको उत्कृष्ट १० मा यसअघि इशानी श्रेष्ठ पनि पुगेकी थिइन् । तर, उनले यो खालको हाइप पाएको देखिएन ।
मिस वल्र्डमा सहभागी हुने नेपाली मिस नेपालको हाइप अन्य विधाको भन्दा बढी हुन्छ । किनकी, मिस नेपालको आयोजकले नै यसलाई सबैभन्दा माथिल्लो स्थानमा राखेको पाइन्छ । पहिलो स्थानमा रहेको विधाले उच्चतम स्थान पाउनु कुनै नौलो कुरा पनि भएन ।

राजधानीको अन्नपूर्ण होटलमा आयोजना भएको एउटा पत्रकार सम्मेलनमा थाइल्याण्डको बैंककमा आयोजित मिस यूनिभर्समा उत्कृष्ट १० मा पुगेर फर्किएकी मनिता देवकोटाले नेपाली र नेपालको संचारमाध्यमको साथ नपाएको गुनासो गरिन् । उनले, मिस वल्र्ड नेपाललाई जुन खालको हाइप संचारमाध्यमले दिएका छन् त्यस्तो हाइप अन्य विधाका विजेताले नपाएको भन्दै गुनासा गरिन् ।

उनले, आफूसँग पर्याप्त श्रोत र साधन पनि नभएकाले उत्कृष्ट १० मा पुग्नु नै ठूलो कुरा भएको बताइन् । यसको टाइटल जित्नका लागि राज्य र मिडियाको साथ र दर्शकको चासो आवश्यक रहेको उनले बताइन् ।
यो गुनासो यसअघि पनि सुनिदै आइएको हो । मिस नेपाल वल्र्ड नै गर्ने यस्ता गुनासोहरु अरु विधाका विजेताले नगर्ने कुरा भएन । राज्यको सहयोग नपाएको गुनासो त झन् सबै प्रतिस्पर्धीले गर्दै पनि आएका छन् ।

यसरी हेर्दा मिस नेपालको आयोजक पनि सन्तुष्ट देखिएको छैन । पर्याप्त श्रोत र साधन नुहुन र पैसाको अभाव हुनु आफूहरुका लागि ठूलो चुनौती पनि मिस नेपालको आयोजकको छ ।
नेपालमा अहिले सौन्दर्य प्रतियोगीताको भेल नै लागेको छ । यस्तो अवस्थामा मिस नेपालको चर्चा पहिलेको भन्दा अहिले झनै घटेको हो । श्रृङ्खलाले त्यो घट्दै गरेको चर्चालाई केही हदसम्म माथि ल्याएकी भने हुन् ।

मिस नेपालको आयोजक संस्था द हिडेन ट्रेजरले मिस नेपाल आयोजना सकिएपछि विजेता प्रतिस्पर्धीलाई त्यो खालको प्रचार नै नगरेको देखिएको छ । सधै मिडिया र राज्यको मात्र साथ खोजेर पनि हुँदैन । मिडियाले पर्याप्त सहयोग नगरेको पनि होइन होला । तर, प्रतिस्पर्धी र आयोजकले आफूलाई ब्रान्डिङ गर्नका लागि विशेष सोच पनि बनाउन आवश्यक छैन र ?

मिस नेपाल आयोजना भएको दिनमै प्रत्यक्ष प्रशारण गर्ने मिडिया बाहेक अन्यसँग कुराकानी नै गर्न नदिने शैली अझै पनि छ । मिस नेपाल आयोजना पश्चात विजेतासँग मिडियाको दुरी नजिक ल्याउने काम आयोजकले गर्न सकेको छैन ।
यसैले पनि मिडियासँग र दर्शकसँग कनेक्शनमा हुने काम उनीहरुले पनि गर्न आवश्यक छैन र ?

आफूले आफूलाई ब्रान्डिङ गर्न नखोज्ने अनी मिडियाले साथ दिएन भनेर सधै कराउनुको अर्थ पनि के होला र ? आयोजकले कार्यक्रम गरेपछि विश्वका विभिन्न देशमा हुने व्यूटी प्याजेन्टमा पठाउनु मात्र ठूलो कुरा हो भनेर सोच्नु हुँदैन । नेपालमै मिडियासँगको निरन्तर संवादमा पनि ल्याउन आवश्यक छ । यस बिषयमा पनि आयोजक र टाइटल विजेताले सोचौ न ।

यो पनि पढनुहोस्:

नेपाली कलाकारको नखुलेको प्रेम

भिडियो पनि हेर्नुस

Loading…

Watch Dailymotion Video

Be the first to comment

Leave a Reply

Your email address will not be published.