असोज १९ देखि व्याकुल माइला गोल्ड कप

खोटाङ – राष्ट्रिय गानका सर्जक व्याकुल माइलाको सम्मानमा सञ्चालन हुँदै आएको व्याकुल माइला गोल्ड कपको सातौं संस्करण असोज १९ देखि २७ गतेसम्म हुने भएको छ । कोजाग्रत पूर्णिमाको अवसरमा व्याकुल माइलाको जन्मथलो ओखलढुंगाको मानेभन्ज्याङ गाउँपालिका–६ थाक्लेको सोक्माटारस्थित दुधकोसी किनारमा प्रतियोगिता सञ्चालन गर्ने तयारी गरिएको हो ।

‘खेलकुदको माध्यमबाट विकासको अभियान’ भन्ने नाराका साथ सञ्चालन हुने प्रतियोगितामा ओखलढुंगा, सोलुखुम्बु, खोटाङ, उदयपुर, सिन्धुली, काठमाडौंलगायतका जिल्लाबाट आएका टिमको सहभागिता रहने गोल्डकप मूल समारोह समितिले जनाएको छ।

ओखलढुंगाको प्रतिष्ठित र सर्वाधिक राशिको फुटबल प्रतियोगितामा प्रथम स्थान प्राप्त गर्ने टिमले नगद ५० हजार, दोस्रो हुनेले ३० हजार र तेस्रो हुनेले नगद २० हजार रुपियाँका साथमा शिल्ड, मेडल र प्रमाणपत्र प्राप्त गर्नेछन्।
नागरिक बाट साभार ।

भिडियो पनि हेर्नुस

Loading…

Watch Dailymotion Video