रोहित सेट्टीको ‘सिम्बा’मा रणवीर सिंह बन्दै पुलिस अफिसर

वलिउड चलचित्र ’गोलमाल रिटर्न्स’ जस्तो सुपरहिट फिल्म दिएका बलिउडका चर्चित निर्देशक रोहित शेट्टीले नयाँ फिल्मको घोषणा गरेका छन् । रोहितले निर्देशन गर्ने नयाँ फिल्मको नाम रहेको छ ‘सिम्बा’ । यो फिल्ममा बलिउड स्टार रणवीर सिंह पुलिस अफिसरको भूमिकामा देखिने भएका छन् ।

‘सिम्बा’लाई रोहित र करन जोहरले संयूक्त रुपमा निर्माण गर्दैछन् । गत शुक्रवार करनले सोसल मिडियामार्फत फिल्मको पहिलो पोस्टर सार्वजनिक समेत गरिसकेका छन् । धर्मा प्रोडक्शन र रोहित शेट्टीसँग रणवीरको यो पहिलो फिल्म हो । ’पद्मावती’ विवादमा फसेका रणवीर सिंहका फ्यानका लागि यो खुसीको खबर हुन सक्छ । ‘सिम्बा’ साउथ फिल्म ’टेम्पर’को रिमेक हो, जसमा जूनियर एनटीआर र काजल अग्रवाल मुख्य भूमिकामा थिए । अहिलेसम्म यो फिल्मका लागि रणवीरको अपोजिटमा हिरोइनको भने फाइनल गरिएको छैन ।

यसअघि रोहितले पुलिसको भूमिका भएको ’सिंघम’ र ’सिंघम रिटन्र्स’ बनाइसकेका छन् । यी दुवै फिल्म सुपरहिट भएका थिए । यसमा अजय देवगनको मुख्य भूमिका थियो । रणवीरको ‘सिम्बा’ अर्को वर्षको २८ डिसेम्बरमा रिलिज हुनेछ । एजेन्सी

भिडियो पनि हेर्नुस

Loading…

Watch Dailymotion Video